Avokati i Popullit Hilmi Jashari bëri me dije se kanë pasur shumë ankesa nga qytetarët e vendit për të drejtën në pension kontributpagues, si dhe të drejtën në shfrytëzimin e pensioneve të tjera të aplikueshme në Kosovë.
“Ne kemi bërë një raport ku i kemi dërguar MMPS-së. Ka p.sh persona që kanë paguar për pleqëri, kurse tani marrin vetëm një pension p.sh të veteranët e luftës. Ndërkaq MMPS-ja u ka ndalë pensionin e pleqërisë që është e drejtë e tyre elementare. Për këtë ne kemi reaguar dhe kërkojmë të ndryshohet ligji”, tha ai sot në emisionin e mëngjesit “Mirëmëngjesi Kosovë”, në Radio Televizionin e Kosovës (RTK).
Sipas tij pensioni kontributpagues është pronë e çdo individi. “Në këtë pjesë janë atakuar kategoritë e dala nga lufta, pra veteranët e luftës. Ka qytetarë që u takon të dy pensionet, pra qytetarët po zgjedhin që e kanë pensionin më të lartë”, theksoi ai.
Jashari vlerësoi edhe Strasburgu ka vendosur që pensioni kontributpagues është pronë e çdo individi dhe institucionet e Kosovës duhet të respektojnë atë.
“Ne presim që institucionet e Kosovës të reagojnë dhe të pranojnë rekomandimet tona. Ne presim që për ketë ndryshim. Zgjidhja është edhe tek Kuvendi i Kosovës, ne presim nga ministri i Punës të zgjidh këtë problem”, tha ai.
Sipas tij nuk ka shifra zyrtare se sa qytetarë janë atakuar nga vendimi për mos lejim të marrjes së dy pensioneve./RTK/
Joan Laporta konfirmon se Barcelona refuzoi një ofertë marra...
Arrestohet një person në Mitrovicë, i kërkuar me urdhër arre...
“Të duam”, yjet e ‘One Direction’ bëhen bashkë pas vdekjes ...
Komisioni Hetimor interviston zyrtarët e arsimit për subvenc...
Sot fillon xhiro e nëntë në Superligën e Kosovës – një takim...
Gjykata e posaçme dënon ish anëtarin e Kushtetueses Fatos Lu...